Thursday 24 October 2019

శ్రీమాత దర్శనం


కమనీయమైన నీ రూపం కనిపించేను నా కన్నుల్లో
నిను తలచిన ప్రతీ క్షణాన
ఆనంద పారవశ్యంతో నా మది తడిచేను
నిను గాంచిన ఆ ప్రతీ క్షణాన

మహిమాన్విత నీ రూపం కనిపించేను నా మదిలో
నిను తలవని ఆ క్షణాన సైతం
ఆనందభాష్పాలతో నా కన్నులు తడిచేను
నిను గాంచిన అపురూపమైన ఆ క్షణాన

గహనమైన, గుహ్యమైన నీ రూపం కనిపించేను
నా కన్నుల్లో, మరి నా గుండెల్లో  సైతం
నిను తలచిన ప్రతీ క్షణం
మరి నిను తలవని ఆ క్షణం సైతం

ఈ క్షణం, ఆ క్షణం, ప్రతీ క్షణం
నీ దివ్య దర్శనం అందించాలి నాకు
నీ అపార కరుణా కటాక్ష వీక్షణం  🙏🙏

-తేజ

No comments:

Post a Comment

నీ తలపు

  తలిచే నా తలపుకి ఓ పరుగే ఉంటే మరుక్షణం అది  నీ చెంతే ఉండెనులే నా ఎద సవ్వడికో పలుకే ఉంటే అది  నీ పేరే వినిపించెనులే కదిలే నా కన్నులకి ఓ భాషే...