పలికే నీ కన్నులను చూస్తూ..పలకడమే మరచిన
నా పెదవుల్ని చూసి
నా మనసు మొదటిసారి నవ్వింది
విరిసే నీ పెదవుల్ని చూస్తూ..విరియడమే మరచిన
నా గళాన్ని చూసి
నా మనసు మరోసారి నవ్వింది
కదిలే నీ ముంగురుల్ని చూస్తూ..కదలడమే మరచిన
నా తీరుని చూసి
నా మనసు ఫక్కున నవ్వింది
చెప్పలేనంత నీ అందాన్ని చూస్తూ..అసలు విషయం చెప్పడమే మరచిన నన్ను చూసి
నా మనసు మళ్లీ నవ్వింది
ప్రేమించే నీ మనసుని చూస్తూ.. దానితో ముడి పడుతున్న తనని తాను చూసుకుంటూ
నా మనసు మళ్లీ మళ్లీ నవ్వుతోంది
-తేజ