నీ తలపులు

నల్లమబ్బుల వెనక దాగిన నీరు చినుకై కురిసే వేళ
మేలిముసుగు వెనక దాగిన నీ మోము తెలిసే

కొమ్మల మాటున దాగిన పువ్వులు విరిసే వేళ
నీ చూపుల వెనక దాగిన రహస్యాలు తెలిసె

పువ్వులలో దాగిన సుగంధాలు పరిమళించే వేళ
మదిలో దాగిన నీ తలపులు నిద్దురని తొలగించె

సుమగంధపు గాలుల స్పర్శనంతో మేను పులకరించే వేళ
నీ అందాల నవ్వుల దర్శనంతో మది పులకించె

మనసున దాగిన ఊసులు మౌనంగా మురిపించే వేళ
మౌనం వెనక దాగిన మది మాత్రం పదేపదే
నిన్నే ధ్యానించె

-తేజ