జగములనేలే తల్లి జగదీశ్వరివి నీవని విన్నా
జగములనిండిన జీవశక్తిలో నిన్ను చూస్తున్నా
సర్వజీవులలో సర్వేశ్వరివై నీవున్నావని విన్నా
సర్వజీవులలోని చైతన్యంలో నిన్ను చూస్తున్నా
లోకాల వెలుగొందుతున్న లోకేశ్వరివి నీవని విన్నా
లోకాలకు సూర్యచంద్రుల రూపంలో వెలుగులను పంచే నిన్ను చూస్తున్నా
విశ్వములను పాలించు విశ్వేశ్వరివి నీవని విన్నా
విశ్వముల నిండిన పచ్చదనంలో నిన్ను చూస్తున్నా
ప్రతిజీవిలోను ప్రాణశక్తిగా ఉన్నది నీవేనని విన్నా
ప్రతిజీవిలోనికి నిరంతరం ప్రాణవాయువై వెళ్తున్న నిన్ను చూస్తూనే ఉన్నా......
- తేజ
No comments:
Post a Comment