ఆనంద సాగర తీరాన్ని చేరిన నీ ఆశల కెరటాల ఆరాటాన్ని....
నన్నే తదేకంగా చూస్తున్న నీ కళ్ళల్లో గమనిస్తున్నా
నీ నీలికళ్ళ మేఘాలనుండి జాలువారుతున్న ప్రేమభాష్పాల ఝరిని...
నన్నే తదేకంగా చూస్తున్న నీ కళ్ళల్లో గమనిస్తున్నా
స్వేఛ్ఛా విపంచివై దహరాకాశపు అంచుల నీ ఆనందలీలా విహారాన్ని...
నన్నే తదేకంగా చూస్తున్న నీ కళ్ళల్లో గమనిస్తున్నా
నన్ను చూసిన ఆనంద పారవశ్యంలో విరిసిన నీ హృదయ కమలపు సోయగాన్ని ....
నన్నే తదేకంగా చూస్తున్న నీ కళ్ళల్లో గమనిస్తున్నా
-తేజ
No comments:
Post a Comment