పడి లేచే అలలా,
నా మది పడి పడి లేస్తున్నప్పుడు..స్నేహమై నిలుస్తావు
సడి చేసే సంద్రంలా,
నా మది సవ్వడి చేస్తున్నప్పుడు..చేరువై నిలుస్తావు
ఉరకలు వేస్తున్న నదిలా,
నా మది ఉల్లాసంతో సాగుతున్నప్పుడు...వారధిగా నిలుస్తావు
ఉరుములు చేస్తున్న గర్జనలా,
నా మది ఉగ్రమైనప్పుడు... ఊరటనిస్తావు
పసిపాపల బోసినవ్వులా,
నా మది స్వచ్ఛమై ఉన్నప్పుడు.... సావాసం చేస్తావు
సవ్వడి చేయని వీణలా,
నా మది బాధలో మునిగినప్పుడు... స్వాంతనగా నిలుస్తావు
చల్లని పిల్ల తెమ్మెరలా,
నా మదిలో ప్రేమ తెమ్మెర వీస్తున్నప్పుడు.. భావమై నిలుస్తావు
భగభగ మండే ఎండలా,
నా మది భగ్గున మండుతుంటే... బాసటగా నిలుస్తావు
అందమైన అక్షరాల అల్లికతో నేను చేసిన పదాల మాలికకు, నాలోని ప్రతీ భావనకు,
కవితన్న పేరుతో ఒడి పడుతున్న నా ప్రియ నేస్తమా.. నీకు నా కృతజ్ఞతాభినందనలు.
-తేజ
No comments:
Post a Comment