ఎద ఝల్లుమంటోంది
నువ్వు అలా పిలుస్తున్న ప్రతిసారి
నువ్వు నన్ను తలుస్తున్న ప్రతిసారి
ఎద సవ్వడి చేస్తోంది
నీ స్వరం వింటున్న ప్రతిసారి
నీ స్వరాల జల్లులో నేను తడిచిన ప్రతిసారి
ఎద ఉరకలేస్తోంది
నీ పిలుపుని నేను అనుకరిస్తున్న ప్రతిసారి
నా పిలుపుకి నువ్వు జవాబిస్తున్న ప్రతిసారి
ఎద వెతికేస్తోంది
ఈ పలకరింపుల వెనక ఉన్న రూపాన్ని చూసేటందుకు
ఈ దోబూచులాటలకు ఓ చరమగీతం పాడేటందుకు
ఎందుకంటే నేను ఇన్నాళ్ళుగా వేచి చూస్తున్నది
నీ రాక కోసమే కదా...
ఇప్పుడే ఎద పరవశిస్తోంది
వసంతాన్ని పిలుస్తూ ఆ చిగురుల చెంతన నువ్వు చేసే సందడి చూశాక
దాగీదాగక ఆ కొమ్మల మాటున ఉన్న నిన్ను కనులారా చూశాక
వసంత కోకిలని ఆహ్వానిస్తూ...
-తేజ
No comments:
Post a Comment