కన్నీరు ఆగడం లేదు
కలం కదలడం లేదు
మనసు పలకడం లేదు
మాట పెగలడం లేదు
చరిత్ర పుటల్లోకి జారుకున్న నిన్న మొన్నటి కాలం నన్ను ప్రశ్నిస్తోంది
ఏది నా ఉనికి?
ఏది నా వైభవం?
కాల గర్భంలోకి కనుమరుగౌతున్న పచ్చని పర్యావరణం నన్ను ప్రశ్నిస్తోంది
ఏది నా స్వచ్ఛత?
ఏది నా ఆహ్లాదం?
మట్టిలో కలిసిపోయిన కొందరి మహనీయుల ఆత్మఘోష నన్ను ప్రశ్నిస్తోంది
ఏది మా కష్టఫలం?
ఏది మా త్యాగఫలం?
నా అంతరాంతరాలలో నుండి నా హృదయవాణి నన్ను ప్రశ్నిస్తోంది
ఏమౌతుంది ఈ భవిత భవిష్యత్తు?
ఎప్పుడు తొలగేను ఈ వికృత విపత్తు?
అందుకోలేని అంబరం నుండి ఆకాశవాణి జవాబిస్తుందా?
మనందరినీ ఒడిలో దాచి లాలిస్తున్న నేలతల్లి అంతర్వాణి జవాబిస్తుందా?
-తేజ
No comments:
Post a Comment