పిడికెడంత నా హృదయమా!
పదేపదే కదిలే నా హృదయమా!
నీ గూడు చాలా చిన్నదే కానీ
నీవు అందులో దాచేవి అన్నీ ఇన్నీ కావుగా,
నీ సవ్వడి చాలా చిన్నదే కానీ
నీవు చేసే అల్లరి అలా ఇలా ఉండదుగా,
నీ బరువు చాలా చిన్నదే కానీ
నీవు మోసే భారం మాత్రం అంతా ఇంతా కాదుగా,
నీ పరిమాణం చాలా చిన్నదే కానీ
నిన్ను ఏమారిస్తే కలిగే పరిణామం అలా ఇలా ఉండదుగా,
గుప్పెడంత నా హృదయమా!
గలగలా పలికే నా హృదయమా!
నీ వడి చాలా చిన్నదే కానీ
నీవు సృష్టించే అలజడి మాత్రం అంతో ఇంతో కాదుగా...
-తేజ
No comments:
Post a Comment