పుడమి దాహం వాన చుక్కలతో తొలగేనా?
పడతి బాధలు కన్నీటి చుక్కలలో కరిగేనా?
కర్షకుడి దాహం చెమట చుక్కలతో తొలగేనా?
కార్మికుడి బాధలు రక్తపు చుక్కలలో కరిగేనా?
కూటిపేదల ఆకలి గంజి చుక్కలతో తీరేనా?
అనాధల ఆక్రందన పాల చుక్కలతో తొలగేనా?
ఓ పేదవాని అంతరంగం సారా చుక్కలు తెలిపేనా?
ఓ కవిలోని అంతర్వాణి సిరా చుక్కలు తెలిపేనా?
లంచపు చేతుల మురికి నీటి చుక్కలతో తొలగేనా?
సమాజపు ఈ దుస్థితి ఓటు చుక్కలతో మారేనా?
మారిన కొత్త యంత్రాంగం మాత్రం పన్నీటి చుక్కలు కురిపించేనా??
-తేజ
No comments:
Post a Comment