అమృతమూర్తియైన మా శ్రీమాతా,
రాశి పోసిన పాపకర్మలకి ప్రతీక నేనైతే...
కదిలే కరుణా తరంగానికి ప్రతీక నీవు
మూసపోసిన అజ్ఞానానికి ప్రతీక నేనైతే...
జాలువారే ప్రేమ జలపాతానికి ప్రతీక నీవు
కరడుగట్టిన కాఠిన్యానికి మారుపేరు నేనైతే...
కమనీయమైన కారుణ్యానికి మారుపేరు నీవు
పేరుకుపోయిన అశక్తికి మారుపేరు నేనైతే...
ప్రవహించే ఙ్ఞానశక్తికి మారుపేరు నీవు
నీ ఒడి చేరేందుకు పరితపిస్తున్న పసిబిడ్డను నేనైతే...
నను లాలించే మాతృత్వానికి నిలువెత్తు ప్రతిరూపం నీవు
- తేజ
No comments:
Post a Comment