నీ తలపు

 

తలిచే నా తలపుకి ఓ పరుగే ఉంటే మరుక్షణం అది 

నీ చెంతే ఉండెనులే

నా ఎద సవ్వడికో పలుకే ఉంటే అది 

నీ పేరే వినిపించెనులే

కదిలే నా కన్నులకి ఓ భాషే ఉంటే అది 

నీ కధలే లిఖించెనులే

గడిచిపోయిన క్షణాలకి ఓ అస్తిత్వం ఉంటే అవి

నీ ఊసులలో ఊయలలూగెనులే

నా పెదవంచున దాగిన మాటేదో తెలియాలంటే

నీ మూగ మనసుకి వినికిడి కావాలిలే...

కదిలే నా ఊహలకే రూపం వస్తే అది 

చూసేందుకు నీ మనసుకి కనులే కావాలిలే...

-తేజ